SHBA/ Koncerti kthehet në tragjedi, 8 të vdekur dhe 300 të plagosur të shkelur nga turma (VIDEO)
Tetë persona kanë humbur jetën dhe rreth 300 të tjerë janë plagosur gjatë një koncerti në Hjuston të Teksasit. Koncerti ku mori pjesë edhe këngëtari i famshëm Travis Scott mblodhi rreth 50 mijë njerëz, ndërsa viktimat u shënuan në momentin kur truma po përpiqej të shkonte drejt skenës.
Për këtë ngjarje ka reaguar edhe shefi i zjarrfikëses në Hjuston, Samuel Pena, i cili tha se ngjarja nodhi rreth orës 02:15 të mëngjesit. “Organizatorët e ndërprenë koncertin kur u vu re se shumë njerëz ishin lënduar”, tha ai. Më herët gjatë ditës, qindra njerëz ishin futur në perimetrin e zonës ku do të zhvillohej koncerti, duke rrëzuar detektorët metalikë.
