Ish-presidenti Hashim Thaçi vizitoi dje babanë e tij në QKUK, i cili ndodhet në gjendje të rëndë shëndetësore
Vizita u zhvillua nën masa të rrepta sigurie nga Dhomat e Specializuara.
Megjithatë, gjatë daljes nga spitali, shumë qytetarë u mblodhën brenda pak minutave për ta përshëndetur ish-presidentin, duke krijuar një moment tensioni.
Ndërkohë, Ish-nënkryetari i OVL-UÇK-së, Nasim Haradinaj, deklaroi në emisionin “Ora Shtatë” , se Thaçi mund të ndëshkohet nga Specialja për këtë situatë.
“Edhe ai e di që mund ta ndëshkojnë, por e bëri sepse është lider dhe ka shpirt luftëtari. Trimëria i kushton dhe do të marrë vërejtje për këtë”, tha Haradinaj.
