LajmeMaqedoniShendetiTopLajm

Filipçe: Rekomandimi i Komisionit për sëmundje ngjitëse për të sëmurët kronikë nuk është vendim ad hok

Ministri i Shëndetësisë, Venko Filipçe, pas rekomandimit të publikuar sot të Komisionit për sëmundje ngjitëse, të sëmurët kronikë të kthehen në punë, e cila nuk do të vlejë për personat të cilët kanë raport nga specialisti për përkeqësim të sëmundjes, deklaroi se janë shqyrtuar disa aspekte kur e kanë diskutuar atë çështje.

Nuk është vendim ad hok, theksoi ministri, por është rezultat i diskutimit të cilin e zhvillojmë në disa takime tashmë gjatë tre javëve të kaluara.

“Thelbi është se praktikisht për të gjithë operatorët ekonomikë, për të gjitha kompanitë dhe të gjitha organizatat ka protokolle sipas të cilave punohet. Është tejet e gjerë lista në kushte tona të të sëmurëve kronikë, njerëz të cilët kanë praktikisht aktivitete tërësisht normale të jetës dhe kursesi nuk sillen në rrezik nëse i respektojnë protokollet në vendet e tyre të punës. Në atë kuptim është sjellë vendim të jepet rekomandimi që pacientët të cilët kanë diagnozë të sëmundjes kronike dhe ata të cilët kanë sëmundje malinje, praktikisht të kthehen në vendet e tyre të punës. Nuk shkojnë në punë vetëm ata tek të cilët mjeku specialist do të thotë se ka gjendje që quhet ekzacerbacion, përkatësisht përkeqësim në kuadër të sëmundjes kronike dhe i njejti kërkon ndonjë trajtim akut. Me atë rast është edhe rrezik shtesë për shëndetin e pacientit. Ky është rekomandimi, ua lëmë profesionistëve, ekspertizës së mjekëve specialistë të bëjnë vlerësim adekuat”, sqaroi Filipçe, duke u përgjigjur në pyetjet e gazetarëve pas shënimit të dhjetëvjetorit të emërimit të Spitalit të përgjithshëm të qytetit “8 Shtatori”.

Sipas tij, kategoritë më të rrezikshme edhe më tej mbeten të mbrojtura.

Lidhur me rekomandimin që shtatzënat të lirohen nga puna, Filipçe theksoi se ato janë kategori për të cilën ende nuk ka njohuri të mjaftueshme profesionale si dhe nëse virusi mund të ndikojë në zhvillimin e frytit dhe nga kujdesi për to, vazhdohet kjo masë.

“Konsiderojmë se tek lehonat mjafton faktori i rrezikut lëshimi i grupeve të tjera të të rriturve në kopshte de për këtë kategori mund të pritet, mund të sigurohen edhe mjete përmes Ministrisë së Punës dhe Politikës Sociale që do të transferohen në Fondin për sigurim shëndetësor për pagesë. Këtë kategori do ta monitorojmë edhe më tej, deri në vitin e ri, e më pas do të shohim si do të jetë gjendja”, tha Filipçe.

Siç shtoi, plotësisht në ditët në vijim do të diskutohet dhe do të sillet vendim për prindërit e fëmijëve deri 10 vjeç të cilët tani janë të liruar nga puna.

Show More

Related Articles

Back to top button
Close
Close