Kryetari i LSDM-së dhe ish-kryeministër, Dimitar Kovaçevski sot deklaroi se pret zgjedhje demokratike në të cilat qytetarët lirshëm do ta japin votën e vet dhe me atë do të vendosin cila do të jetë e ardhmja e shtetit.
“Sot pres zgjehdje të lira dhe demorkatike, si në rrethin e parë të zgjedhjeve presidenciale. pres qytetarët të dalin masivisht dhe lirshëm ta japin votën e vet. Sot ata vendosin për shtetin, vota e tyre do ta caktojë të ardhmen e dekadës së ardhshme. Në mbi 40 ditët e kaluara i pezantuam Programin tonë për të ardhme evropiane dhe të gjitha përparësitë e vendit si anëtare e BE-së deri në vitin 2030. megjithatë, qytetarët e kanë vendimin final për atë se në cilin drejtim do të lëvizë shteti, nëse deri në vitin 2030 do të bëhet anëtare e BE-së me presidentin Pendarovski dhe koalicionin Për të ardhme evropiane dhe LSDM-në apo sërish do të kthehemi prapa në një kohë të kaluar të cilën e pamë tërë dekadën. Pres qytetarët lirshëm ta japin votën e tyre, siç i ngjan një vendi anëtar të NATO-s dhe cilit do vend që i hapi negociatat me BE-në. Pres qytetarët të sjellin vendim me të cilin do të sigurojmë të ardhme të sigurt, prosperuese dhe standard jetësor që i ngjan qytetarëve të vendit dhe shtetit”, deklaroi Kovaçevski pasi që votoi në vendvotimin e tij.
Ai edhe njëherë potencoi se Maqedonia e Veriut nuk ka alternativë tjetër përveç hyrjes në BE, ndërsa në pyetjen e gazetarëve nëse do të votonte për ndryshimet kushtetuese nga opozita, u përgjigj pozitivisht.
“Atë pyetje mund t’ia bëni çdokujt, por kur ma parashtroni mua, atëherë mendoj se përgjigjen tashmë e dini. Ato ndryshime kushtetuese unë i kam parashtruar, ato ndryshime kushtetuese e mbajnë nënshkrimin tim dhe dhe unë bëj thirrje të inkurajohen të gjithë politikanët në Kuvend t’i votojnë sepse ai është vendimi i cili duhet të sillet për t’i hapur të gjithë kapitujt për inkuadrim në BE, kështu që atë që unë e kam parashtruar në Kuvend, gjithsesi do ta votoj, ndërkaq edhe nëse të tjerët do ta bëjnë atë, do të duhet t’i pyetni”, theksoi Kovaçevski.
