Afati kohor për shpërndarjen e dozave, i bërë publik nga AstraZeneca dhe nga Instituti i Serumit të Indisë, do të ndahet në orare të veçanta dy-mujore, tha COVAX në një deklaratë, me të parën në shkurt-mars dhe të dytën në prill-maj.
Përfaqësues të programit të ndarjes së vaksinave COVAX thanë të martën se do të shpërndajnë 237 milion doza të AstraZeneca në 142 vende deri në fund të majit ndërsa rrit hapin global të furnizimeve të saj të vaksinave.
Afati kohor për shpërndarjen e dozave, i bërë publik nga AstraZeneca dhe nga Instituti i Serumit të Indisë, do të ndahet në orare të veçanta dy-mujore, tha COVAX në një deklaratë, me të parën në shkurt-mars dhe të dytën në prill-maj.
“Këto afate kohore varen nga një larmi faktorësh duke përfshirë kërkesat rregullatore kombëtare, disponueshmërinë e furnizimit dhe përmbushjen e kritereve të tjera të tilla si vendosja e vlefshme e planeve kombëtare të vaksinimit,”- tha deklarata.
Sipas Reuters, COVAX është programi i mbështetur nga Organizata Botërore e Shëndetësisë për të siguruar vaksina për vendet e varfra dhe me të ardhura të mesme. Ajo filloi hapjen e saj javën e kaluar me dërgesat e para të vaksinave në Gana dhe Bregun e Fildishtë.
Duke përshëndetur fushatën si një partneritet të paparë, Drejtori i Përgjithshëm i OBSH-së Tedros Adhanom Ghebreyesus tha se Angola, Kamboxhia, Republika Demokratike e Kongos dhe Nigeria mund të presin gjithashtu dërgesat e vaksinave të furnizuara me COVAX të Martën.
COVAX shtoi në një deklaratë se si raundi i parë i shpërndarjes së vaksinës AstraZeneca, dhe rreth 1.2 milion doza të Pfizer-BioNTech janë parashikuar gjithashtu për dorëzim në tremujorin e parë të 2021
