Ish i dërguari special për dialogun Kosovë-Serbi i presidentit amerikan, Donald Trump, Richar Grenell, ka shpërndarë shkrimin e gazetës izraelite, ku shkruan se pas presionit të Turqisë, Kosova mbase e kthen vendimin për Ambasadë në Jerusalem, ndërsa ka kritikuar ashpër liderin e VV’së, Albin Kurtin, shkruan Gazeta Metro.
Grenell ka shkruar se lideri i ri i Kosovës, anti-amerikani Albin Kurti ka qenë kundër politikave të SHBA’ve të propozuara nga Bill Clinton, George Bush, Barack Obama dhe Donald Trump.
Ky reagim nga Grenell vjen pasi që lideri i VV’së, Albin Kurti pas takimit që kishte me ambasadorin turk, ka premtuar se do të rishikoj edhe njëherë marrëveshje ne Washingtonit dhe vendosjen e ambasadës së Kosovës në Jerusalem./gazetametro.net