Sonte do zhvillohen dy ndeshje të tjera të raundit të 1/8 së finales në Ligën e Kampionëve. Skuadra e Çellsit do e mirëpres kampionin e Francës, skuadrën e Lille-s në “Stemford Brixh”, derisa Juventus është mysafir i Viljarrealit.
Në këtë përballje , pritet që në fanellën e skuadrës franceze të paraqitet edhe Edon Zhegrova, i cili me shokët e tij të skuadrës synon të bëjë mrekullinë ndaj “Bluve” të Londrës.
Ndërkohë, skuadra e Juventusit, pavarësisht mungesave të shumta të lojtarëve, shihet si favorit në ‘letër’ para skuadrës spanjolle të Viljarealit, që është në ecuri pozitive. Dy takimet nisin në ora 21:00.
