Vëzhguesit e OSBE-ODIHR janë të shpërndarë nëpër gjithë vendin. Shefja e këtij misioni vëzhgues, Tana deZulueta, tha se të angazhuar janë 165 vëzhgues. Sipas saj, ky numër është i mjaftueshëm për të monitoruar këtë procesin zgjedhor. Sa u përket defekteve me aparatet për votim për identifikimin biometrik të qytetarëve, Dezulueta tha se mbajnë shënime dhe pasqyra e përgjithshme do të shihet në fund të ditës.
