Drejtori Ekzekutiv i IKD-së, Ehat Miftaraj e ka komentuar arrestimin e parë nga Gjykata Speciale, shkruan Gazeta Blic.
Miftaraj thekson se varësisht nga aktakuzat do të shkojë edhe procedura e arrestimeve të tjera nga Specialja.
Ai thekson se kjo aktakuzë nuk lidhet me aktakuzën e ngritur kundër Presidentit Thaçi dhe kryetarit të PDK-së, Kadri Veseli. “Arrestimet e ditës së sotme lidhen me aktakuzën e ngritur në muajin shkurt të këtij viti. Varësisht nga personat e akuzuar ndaj të cilëve është ngritur dhe konfirmuar aktakuza do të mvaren edhe arrestimet e mundshme. Kjo aktakuzë nuk lidhet me aktakuzën e ngritur kundër Presidentit Thaçi dhe Kryetarit të PDK ,Veseli” tha Miftaraj për Gazeta Blic.
