LajmeMaqedoniTopLajm

Grubi pret ambasadorin francez Timonie: Maqedonia e Veriut po ecë në drejtim të duhur

Maqedonia e Veriut ka shënuar përparim në shumë lëmi dhe ka arritur të

ecë përpara në planin ndërkombëtar sa i takon procesit të integrimit të

vendit në Bashkimin Evropian. Procesi i reformave do të vazhdojë pa

ndërprerë me qëllim që të jepet sinjal pozitiv tek partnerët tanë

evropian.

Kështu është shprehur zëvendëskryeministri i parë dhe ministër për

Sistem Politik dhe Marrëdhënie ndërmjet Bashkësive z.Artan Grubi gjatë

takimit të sotëm me ambasadorin e Francës në Republikën e Maqedonisë së

Veriut, z.Kristijan Timonie.

Zëvendëskryeministri i parë Grubi shprehu falënderim për përkrahjen që

merr Republika e Maqedonisë së Veriut nga Republika e Francës në

përpjekjet për realizimin e prioriteteve strategjike të vendit dhe

njëherësh edhe për bashkëpunimin e shkëlqyeshëm dypalësh.

Grubi i ka thënë ambasadorit francez se Qeveria do të vazhdojë të

funksionojë me dinamikën më të lartë pasi që është e angazhuar që

progresi i vendit të vazhdojë në të gjitha fushat e mundshme. Ai

gjithashtu i ka thënë ambasadorit Timonie se përcaktim i Qeverisë së

Republikës së Maqedonisë së Veriut janë institucionet funksionale, të

cilat në mënyrë aktive dhe transparente do të punojnë në realizimin e

reformave që janë në interes të të gjithë qytetarëve dhe procesit të

integrimit të vendit në Bashkimin Evropian.

Gjatë takimit mes zëvendëskryeministrit të parë Grubi dhe ambasadorit të

Francës Timonie u konkludua se prej një rëndësie të veçantë është

funksionimi i mirëfilltë i drejtësisë dhe lufta kundër korrupsionit.

Grubi në këtë drejtim i konfirmoi qëndrimin e tij ambasadorit Timonie se

rruga e drejtësisë joselektive dhe sundimi i ligjit do të arrihet përmes

transparencës së plotë dhe vetingut që do të kryhet ndaj bartësve të

funksioneve publike, gjykatësve dhe prokurorëve.

Grubi dhe Timonie hapën temën edhe të regjistrimit të popullsisë, proces

të cilin e vlerësuan si senzitiv dhe me këtë rast u dakorduan se duhet

të plotësohen të gjitha kushtet që i njëjti të jetë sa më kredibil.

Në fund të takimit Grubi dhe Timonie shkëmbyen mendime edhe rreth

mundësive të thellimit të marrëdhënieve dypalëshe midis Republikës së

Maqedonisë së Veriut dhe Francës.

Artikuj të ngjashëm

Back to top button
Close
Close