BotaLajme

Policia ruse arreston vëllain e Navalny-t

Policia ruse ka arrestuar vëllanë e Alexei Navalnyt, Oleg Navalny si edhe avokaten dhe mjeken e opozitarit rus.

Drejtori i Fondacionit për Luftë Kundër Korrupsionit, Ivan Zhdanov, të cilin Ministria ruse e Drejtësisë e vendosi në listën e “agjentit të huaj”, në Twitter shkroi se policia arrestoi Oleg Navalnyn, avokaten Lobov Soboli dhe mjeken Anastasia Vasilyeva, që është anëtare e Unionit të Sindikatës së Mjekëve.

Theksohet se personat në fjalë u arrestuan për 48 orë.

Policia ruse më herët bastisi apartamentet e Navalnyt në Moskë dhe Zyrën e Fondacionit për Luftë Kundër Korrupsionit, të cilin ai e themeloi, me arsyetimin se ” u shkelën rregullat sanitare dhe epidemiologjike”.

Në Rusi më 23 janar u mbajtën demonstrata ku morën pjesë dhjetëra mijëra njerëz që kërkuan lirimin e Navalnyt. Rreth 3.000 pjesëmarrës u arrestuan gjatë demonstratave në të gjithë vendin, raporton Anadolu Agency (AA).

Zëdhënësi i Kremlinit, Dmitry Peskov, deklaroi se demonstratat në shenjë mbështetjeje për Navalnyn janë “ilegale dhe të papranueshme”.

Navalny, nga ana tjetër, paralajmëroi se demonstratat sërish do të mbahen, më 31 janar.

Artikuj të ngjashëm

Back to top button
Close
Close