Ministri i bujqësisë, Arjanit Hoxha dhe ai i ambientit jetsorë Naser Nuredini sot janë takuar në Turqi me homologun turk Bekim Pakdemirli me të cilin kanë nënshkruar marveshje bashkëpunimi dhe dy memorandume bashkëpunim ndërmjet Qeverisë së Republikës së Maqedonisë së Veriut dhe Qeverisë së Republikës së Turqisë në fushën e ujërave dhe pyjeve.
Miqësitë ndërmjet popujve ndërtohen duke ndërtuar shtigje të përbashkëta të bashkëveprimit ndërshtetëror. Në frymën e bashkëpunimit të vazhdueshëm, me qëllim të avancimit të marrëdhënjeve ndërshtetërore, bashkë me kolegun Naser Nuredini, sot në Ankara me homologun turk Bekim Pakdemirli nënshkruam Marrëveshjen për bashkëpunim në fushën e politikës së veterinarisë dhe sigurisë së ushqimit si dhe dy Memorandume për bashkëpunim ndërmjet Qeverisë së Republikës së Maqedonisë së Veriut dhe Qeverisë së Republikës së Turqisë në fushën e ujërave dhe pyjeve. Me këtë edhe një herë tregojmë përcaktimin tonë për kontinuitet në ndërtimin dhe avancimin e mëtutjeshëm të marrëdhënjeve ekonomike në mes dy shteteve.
