Harry Kane është gati të nisë bisedimet zyrtare me Bayern Munich për një kontratë të re me kampionët gjermanë.
Lajmi konfirmohet nga “BBC Sport”. Kontrata aktuale e kapitenit të Anglisë, Kane, skadon në fund të sezonit të ardhshëm, por Bayern është i etur ta zgjasë qëndrimin e sulmuesit.
Kuptohet që 32-vjeçari është në dijeni të qëllimit të klubit të Bundesliga për t’i ofruar atij një kontratë të re, me diskutimet që pritet të përparojnë në javët e ardhshme. Kane iu bashkua Bayern nga Tottenham në vitin 2023 në një marrëveshje me vlerë të raportuar prej 86 milionë eurosh.
Sulmuesi ka shijuar sukses të madh në Mynih, duke ndihmuar klubin të fitojë dy tituj të Bundesligës dhe Kupën e Gjermanisë. Kane, i cili shënoi gjashtë gola për Anglinë në Kupën e Botës së fundit, ka shënuar 146 gola në 134 paraqitje për Bayern që nga mbërritja e tij.
Pavarësisht dëshirës së Bayern për ta lidhur atë me një marrëveshje të re, Kane vazhdon të tërheqë interes nga klubet në të gjithë Evropën dhe më gjerë. Barcelona ka një interes të hershëm për kapitenin e Anglisë, ndërsa klubet në Arabinë Saudite janë lidhur gjithashtu me qendërsulmuesin.
