Sport

FITOJNË SHKËNDIJA DHE STRUGA TRIM LUMI

Xhiroja e 5-të në Ligën e Parë të futbollit të Maqedonisë së Veriut ka rezultuar e mbarë për dy skuadrat shqiptare Shkëndijën e Tetovës dhe Struga Trim Lumin. Kuqezinjtë e Ernest Gjokës mposhtën 3:0 në transfertë Bellasicën, në një përballje ku tetovarët dominuan takimin që nga fillimi e deri në fund. Totre në të 53-tën hapi serinë e golave, ndërsa më pas Besart Ibraimi realizoi dy herë nga penaltia për fitore 3:0 të ekipit të tij. Në anën tjetër Struga Trim Lumi mundi 2:0 Sileksin, ndërsa golat e fitores për vendasit u shënuan nga Lena dhe Milenkovski. Ndërkohë xhiroja e 5-të në elitën e futbollit vendor kompletohet të dielën me 4 takime të tjera. Vardari përballet me Shkupin, Renova takohet me Rabotniçkin, Pelisteri gostit Makedonija Gjorçe Petrovin, ndërsa Boreci do t’i matë forcat me Akademia Pandevin.

Show More

Related Articles

Back to top button
Close
Close