BotaLajmeTopLajm

E para në botë, Rusia prodhon vaksinën anti-Covid për kafshët

Rusia ka prodhuar vaksinën e parë në botë kundër COVID-19 për kafshët, njoftuan sot autoritetet. Rusia tashmë prodhon tre vaksina të koronavirusit për njerëzit, më e njohura prej të cilëve është Sputnik V.

Moska gjithashtu ka dhënë miratim urgjent për dy vaksina të tjera, EpiVacCorona dhe CoviVac. Vaksina për kafshët, e cila është bërë nga një njësi e Rosselkhoznadzor, u emërua Carnivac-Cov, sipas autoritetit mbikëqyrës.

“Provat klinike Carnivac-Cov, të cilat filluan tetorin e kaluar, përfshinin qen, mace, dhelpra dhe kafshë të tjera”, tha Konstantin Savenkov, zëvendës drejtor i autoritetit mbikëqyrës.

“Rezultatet e provave klinike na lejojnë të konkludojmë se vaksina është e padëmshme për kafshët dhe ka një përgjigje të lartë imune, me antitrupa anti-koronavirus në rritje në 100% të rasteve,” tha Savenkov.

Imuniteti zgjat për gjashtë muaj pas vaksinimit, por prodhuesit e vaksinave vazhdojnë të analizojnë këtë fakt, njoftoi autoriteti mbikëqyrës. Prodhimi masiv i vaksinës mund të fillojë në prill, shtoi Rosselkhoznadzor. g.v/abcnews.al

Artikuj të ngjashëm

Back to top button
Close
Close