Kryetari i komunës së Çairit, njëherit një nga përfaqësuesit e VLEN-it, Izet Mexhiti pas takimit të sotëm me kryeministrin Hristjan Mickovski ku aritën dakordësi për ligjin për arsim të lartë përmes një postimi në profilin e tij ka shkruar se “Sot u vendos drejtimi i reformave që i kanë munguar arsimit të lartë prej vitesh duke shtuar më tej se “Me këtë mbyllet epoka e formalizmit dhe vendoset meritokracia. H-indeksi largohet, vendet e punës mbrohen dhe krijohen mundësi për avancim të drejtë2. shkruan Top24
Sot u vendos drejtimi i reformave që i kanë munguar arsimit të lartë prej vitesh.
Bashkë me partnerët e qeverisë, arritëm marrëveshje për reformat e domosdoshme, për Miratimin e Ligjit për Arsimin e Lartë. Me këtë mbyllet epoka e formalizmit dhe vendoset meritokracia. H-indeksi largohet, vendet e punës mbrohen dhe krijohen mundësi për avancim të drejtë.
Universitetet në gjuhën shqipe pozicionohen si të barabarta dhe konkurruese, ndërsa investimi në kampusin e Universitetit “Nënë Tereza” konfirmon qartë prioritetin tonë për arsim cilësor.
Ky është vendim që shtyn përpara sistemin dhe garanton drejtësi për të gjithë.
Urime!
