Kadrijaj në një prononcim për GazetaBlic thotë se, konfrontimi ka përfunduar që në momentin kur Kosova ka fituar lirinë.
Kadrijaj nuk e sheh deklaratën e Lajçakut si nxitëse të ndonjë konflikti, sepse sipas saj, Kosova është duke lobuar për rrugën e saj evropiane.
“Kjo deklaratë e Lajçakut nuk është nxitëse e asnjë konflikti, Kosova po lobon për të drejtën e vet ndërkombëtarisht, po lobon për rrugën evropiane sepse ne nuk kemi rrugë tjetër dhe as strategji tjetër”, tha Kadrijaj.
“Ne duhet t’i falënderojmë miqtë tanë për përkrahjen që na kanë bërë në vazhdimësi dhe përmes tyre do ta kalojmë edhe këtë sfidë që po kalon Kosova, pra përmbylljen e dialogut me njohje reciproke duke respektuar integritetin e Kushtetutës së Republikës së Kosovës”, shtoi Kadrijaj për GazetaBlic.
