Zëvendësministri i kulturës në RMV, Daim Luçi po qëndron në një vizitë zyrtare në Bosnje dhe Hercegovinë ku gjatë ditës së sotme ka vizituar memorialin e 116 civilë boshnjakë në Ahmixhi të vrarë në Ahmixhi, shkruan TOP24.
Luçi përmes një postimi në profilin e tij në FB shkruan
“Më 16 prill 1993, njësitë speciale të HVO-së vranë 116 civilë boshnjakë në Ahmixhi.
Viktima më e vogël ishte një foshnjë tre muajshe. U vranë gjithashtu 32 gra dhe 11 fëmijë nën moshën 18 vjeç. Njëzet e nëntë vjet pas krimit, eshtrat e 19 boshnjakëve të vrarë janë ende duke u kërkuar.
Gjykata Penale Ndërkombëtare për ish-Jugosllavinë kishte vendosur se vrasjet në Ahmixhi ishin krime kundër njerëzimit.”
