Sot pritet përzgjedhja e nënkryetarëve të Kuvendit, ndërsa ata priten të jenë gjithsej 5.
Deputeti nga koalicioni “Tash është koha” Skender Rexhepi-Zejdi , i pyetur nga TV21, se a pritet që koalicioni i tyre të ketë një nënkryetar, ai tha: “Në parim së pari do të diskutojmë numrin e nënkryetarëve, që pastaj nëse opozitës do t’i takoj një nënkryetar, pse të mos jete ai nga opozita shqiptare”.
Rexhepi gjithashtu tha se së pari do të dëgjojnë arsyetimin e propozimit për zgjedhjen e nënkryetarëve. Më pas, sipas tij, nëse vendoset që njëri nënkryetar t’i takojë opozitës shqiptare, atëherë për emrin do të vendoset në koordinim mes deputetëve të koalicionit “Tash është koha”.