Të paktën 17 persona kanë vdekur dhe 384 të tjerë, përfshirë 291 shtetas të huaj, janë raportuar të zhdukur pas përmbytjeve të menjëhershme dhe rrëshqitjeve të dheut në Nepal, tha sot policia e vendit.
Organizata e Turizmit e Nepalit njoftoi se midis të huajve të zhdukur, shumica janë indianë – 105, si dhe 37 indianë jo-rezidentë, raporton BBC.
Deri më tani, është konfirmuar se 17 shtetas malajzianë, 12 shtetas britanikë, katër afrikano-jugorë, tre amerikanë, një australian dhe një shtetas holandez janë të zhdukur, ndërsa kombësia e 111 personave të zhdukur ende nuk është përcaktuar.
Agjencia kineze e lajmeve Xinhua raportoi më parë se një rrëshqitje dheu është aktivizuar në pikën kryesore kufitare midis Kinës dhe Nepalit, në distriktin tibetian të Jirong, ku ekziston frika se do të ketë një numër të madh viktimash.
Rrugët që të çojnë në Kalimin Tokësor Jirong në anën kineze, si dhe komunikimet dhe furnizimi me energji elektrike, janë ndërprerë dhe operacionet e kërkim-shpëtimit janë duke u zhvilluar.
