Lamine Yamal pritet të mungojë në ndeshjen hapëse të Botërorit 2026 për Spanjën, ndërsa vazhdon rikuperimin nga një dëmtim në kofshë.
Sipas burimeve pranë procesit të rehabilitimit, Federata Spanjolle e Futbollit po bashkëpunon ngushtë me Barcelonën për monitorimin e gjendjes së lojtarit, me stafin mjekësor që ka zhvilluar vizita të rregullta në klub.
Ndeshja e fundit e Spanjës në grup do të jetë kundër Uruguai më 26 qershor dhe ekziston optimizëm që Yamal mund të rikthehet deri atëherë.
Pavarësisht dëmtimit, sezoni i tij ishte mbresëlënës. Yamal zhvilloi 45 ndeshje në të gjitha kompeticionet, duke realizuar 24 gola dhe 16 asistime, ndërsa ndihmoi Barcelonën të mbrojë titullin kampion.
Me kombëtaren spanjolle, Yamal numëron tashmë 25 paraqitje dhe gjashtë gola që prej debutimit në moshën 16-vjeçare.
Ai ishte një nga protagonistët e triumfit të Spanjës në Euro 2024 dhe përfundoi i dyti në garën për Topin e Artë 2025.
