Kandidati për deputet në NjZ 1, Kastriot Rexhepi, në tubimin qendror në Tetovë, para qytetarëve ka bërë thirrje që të votojë masovikisht koalicionin ”Mundemi”, sepse ngërçi ekonomik, çështja e punësimit, mbështetja e fermerëve, proceset euro-integruese, montimet e rasteve politike, do të marrin epilog njëherë e përgjithmonë, e gjithë kjo në dobi të qytetarëve.
”Ne mendojmë që së bashku do të dëshmojmë se çka do të thotë një parti politike shqiptare, partneritet i barabartë me marrëveshje të shkruar, se si do të plotësohen kërkesat programore që kemi aty”, ka theksuar Rexhepi para të pranishmëve. Rexhepi shton se ky koalicion garanton ardhmëri, shpresë dhe jo kthim prapa.
