Kalimi në pikën kufitare ndërmjet Kosovës dhe Shqipërisë sot është zhvilluar pa kontrolle, si pjesë e masave lehtësuese për qytetarët që udhëtojnë drejt Tiranës për protestën madhështore në mbështetje të ish-krerëve të Ushtrisë Çlirimtare të Kosovës, të cilët ndodhen në paraburgim në Hagë.
Ministria e Infrastrukturës në Shqipëri ka njoftuar se “Rruga e Kombit” të jetë pa pagesë për 24 orë, për të lehtësuar qarkullimin drejt Tiranës.
Ndërkaq edhe në pikën kufitare Kosovë-Shqipëri, nuk janë vërejtur kontrolle. Ndërsa në hyrje të Tiranës ka kolona të gjata veturash.
