Kreu i Lëvizjes BESA Bilall Kasami thotë se me nënshkrimin e marrëveshjes së bashkëpunimit me Alternativën, është bërë hapi i parë në drejtim të krijimit të frontit opozitar në prag të zgjedhjeve parlamentare. Kasami paralajmëroi se një hap i këtillë së shpejti mund të bëhet edhe me Grupin e Zjarrit.
Por gjatë ditës së sotme përfsqësuesi i Grupit të Zjarrit , Izet Mexhiti për Tv21 theksoi se i “Urojmë konsolidimin e opozitës shqiptare. Ne e vazhdojmë betejën fuqishëm brenda BDI-së”, tha Izet Merxhiti, Fraksioni BDI.
Po në të njejtën kohë njri nga mbështetësit e këtij grupi, Nevzat Bejta për Alsat ka deklaruar se “Edhe përkundër faktit që nuk është biseduar kjo temë, nuk përjashtohet mundësia e tillë e bashkëpunimit.”
“Çdo gjë që është në interesin e anëtarësisë dhe votuesve, ne do bashkohemi me ata të cilët mbrojnë interesat e votuesve dhe shoqërisë tonë. Normal në proceset demokratike nuk është e ndaluar që të mos zhvillohen bisedime me përfaqësuesit e partive të tjera politike. Ne jemi fraksion dhe ne e kemi të drejtën të bisedojmë me gjithë përfaqësuesit e partive politike që ia duan të mirën shoqërisë shqiptare dhe shoqërisë tonë në Maqedoninë e Veriut”, deklaroi Nevzat Bejta, Fraksioni i BDI-së Grupi i Zjarrit.
Ndryshe disa herë është raportuar se brenda këtij grupi ka pakënaqësi por që po mundohen ti kontrollojnë deri sa po kërkojnë mbështetje në strukturat partiake,Top24