Presidenti ukrainas, Vlodymir Zelensky do të mbërrijë sot në Britaninë e Madhe, në vizitën e tij të parë që nga pushtimi rus i Ukrainës vitin e kaluar.
Downing Street tha se ai do të zhvillonte takime me kryeministrin Rishi Sunak dhe do të mbante një fjalim në Parlament.
Pritet gjithashtu që Britania e Madhe të shpallë sanksione të reja ndaj Rusisë.
BBC shkruan se janë njoftuar planet për të trajnuar pilotët ukrainas për të fluturuar me avionë luftarakë të standardeve të NATO-s në të ardhmen, një kërkesë kryesore nga Ukraina.
Presidenti Zelensky iu drejtua deputetëve në mars të vitit të kaluar, duke folur nga Kievi, hera e parë që një udhëheqës i huaj iu drejtua deputetëve në dhomën e Commons.
