LajmeRajon

Osmani dhe Gërvalla takohen me Stoltenberg, flasin për anëtarësimin në BE dhe NATO

Presidentja e Kosovës, Vjosa Osmani dhe ministrja e Jashtme Donika Gërvalla, gjatë vizitës në New York, takuan sekretarin e përgjithshëm të NATO -s, Jens Stoltenberg.

“Kosova është mirënjohëse për mbështetjen e vazhdueshme të NATO-s në ruajtjen e stabilitetit dhe paqes”, ka theksuar presidentja Osmani në takim me sekretarin Stoltenberg.

Më tej, presidentja ka theksuar se këtij hapi duhet t`i paraprijë përfshirja e Kosovës në Partneritetin për Paqe. Në këtë kontekst, e përmendi faktin se Forca e Sigurisë së Kosovës, e cila po zhvillohet në përputhje me standardet e NATO-s, do t’ia mundësojë Kosovës një rol aktiv në kuadër të sigurisë rajonale dhe globale.

Sa i përket agresionit të Rusisë në Ukrainë, Osmani tha se  Kosova ka dënuar luftën e paprovokuar të Putinit kundër Ukrainës dhe se është plotësisht në linjë me sanksionet e BE-së dhe SHBA-së kundër Rusisë.

Në këtë drejtim, Osmani ka theksuar nevojën e bashkërendimit të shteteve demokratike në rajon me NATO-n për të siguruar një mjedis të sigurt dhe për të ndaluar veprimet destabilizuese të Rusisë dhe satelitëve të saj.

Artikuj të ngjashëm

Back to top button
Close
Close