Luton Town siguron për herë të parë në histori biletën për të luajtur në Premier League. Një përrallë e vërtetë për një skuadër modeste nga një qytezë e vogël që siguron ngjitjen në arenën më të rëndësishme të futbollit në nivel klubesh.
“Hetters” mundën në finalen e play off të Championship, Conventry City me penallti 6-5 pasi 120 minutat u mbyllën në barazim 1-1.
Ai që dënoi Conventry ishte lojtari i akademisë Dabo i cili gaboi 11-metërshin qe në këtë rast vlen 200 milionë pound të humbura për skuadrën e tij që do të shkojnë në llogarinë e Luton si shpërblim për ngjitjen në Premier League.
Ngjitja e Luton në Premier League do të thotë se sezonin e ardhshëm, Manchester City, Arsenal apo Man. United e Liverpool do të luajnë ndeshjet e transfertës edhe në një stadium si “Kenilworth Road” që 10 vite më parë priste ndeshje amatore.