Një statujë e presidentit të ndjerë sirian, Hafez al-Assad, babait të presidentit Bashar al-Assad, është rrëzuar në qytetin e Hamës.
Rebelët sirianë thonë se kanë marrë kontrollin e plotë të qytetit të dytë të madh të vendit, pasi ushtria u tërhoq.
Udhëheqësi i grupit militant islamik Hayat Tahrir al-Sham (HTS), Abu Mohammed al-Jawlani, shpalli “fitoren” në Hama dhe u zotua se nuk do të kishte “hakmarrje”.
Më parë, luftëtarët e HTS dhe aleatët e tyre morën burgun qendror të Hamës dhe liruan të burgosurit mes betejave të ashpra, ndërsa ushtria tha se kishte ridislokuar trupa jashtë qytetit.
Hama është shtëpia e 1 milion njerëzve dhe është 110 km (70 milje) në jug të Aleppos, të cilin rebelët e pushtuan javën e kaluar pasi nisën një ofensivë të befasishme nga bastioni i tyre në veriperëndim.
Në Aleppo, një statujë e vëllait të ndjerë të presidentit Bashar al-Assad, Bassel, u shkatërrua pak ditë më parë.
