Ministri i bujqësisë Arjanit Hoxha sot përmes profilit të tij në FB ka njoftuar se ka përfunduar prokurimi publik për paisje me mjete personale të policisë pyjore. Faza e parë e prokurimit është pasije me çizme të reja të cilat so simbolikisht ua ndau oficerëve vet ministri Hoxha. Faza e dytë do të jetë paisja me uniforma të reja dimërore dhe verore të policisë pyjore.
Në konferencën e sotme për shtyp pata nderin të informoj publikun për prokurimin e pajisjeve të reja personale mbrojtëse për nevojat e Policisë Pyjore.
Të gjithë oficerët e Policisë Pyjore së pari do të pajisen me çizme, prokurimin publik të të cilave e realizoi MBPEU.
Sot, simbolikisht shpërndava çizmet e para për oficerët e policisë pyjore që ishin të pranishëm, dhe pjesa tjetër do të shpërndahen nëpër stacionet e Policisë Pyjore në ditët në vijim.
Ky është hapi i parë i prokurimit, kurse në fazën e realizimit janë edhe furnizimi me uniforma të reja verore dhe dimërore, me të cilat oficerët e policisë pyjore do të pajisen më së voni deri në muajin mars të vitit të ardhshëm.
Me këtë prokurim, MBPEU po e zbaton detyrimin e saj ligjor që nënkupton sigurimin e të gjitha kushteve për sigurinë dhe shëndetin gjatë punës të të gjithë punonjësve tanë. Policia Pyjore kryen detyrat e saj të punës në terren, dhe një nga masat për mbrojtjen nga rreziku në punë është që të kenë pajisje të përshtatshme personale mbrojtëse, përkatësisht këpucë dhe uniforma.