Kryeministri Albin Kurti, nuk ka pranuar që të deklarohet për gjykimin e ish-krerëve të UÇK-së në Hagë, raporton Ekonomia Online.
Edhe përkundër insistimit të gazetarëve, ai ka thënë se duhet të shkojë në Kuvend.
Për tri ditë me radhë në Hagë, është zhvilluar gjykimi ndaj Hashim Thaçit, Kadri Veselit, Rexhep Selimit dhe Jakup Krasniqit. Në këto seanca Prokuroria dhe mbrojtja kanë thënë fjalët e tyre hyrëse, përderisa më 11 prill do të fillojë dëgjimi i dëshmitarëve.
