Komisioni Evropian nuk komenton paralajmërimin e kryeministrit Zoran Zaev se po japë dorëheqje, për shkak të rezultateve të zgjedhjeve lokale, shkruan agjencia e lajmeve MIA.
Nga KE-ja shkurt komentojnë se vendi “duhet të vazhdojë me reforma për BE-në” pa më shumë detaje. Sa i përket zgjedhjeve, Komisioni Evropian konsideron se në bazë të raportit të OSBE/ODIHR zgjedhjet ishin konkurruese dhe se janë respektuar liritë themelore. Administrata zgjedhore është lavdëruar për përballjen të “disa mangësive administrative nga rrethi i parë”.
“Megjithatë retorika negative dhe pretendimet se ka pasur presione ndaj votuesve dhe kandidatëve vazhduan të ndikojnë ndaj zgjedhjeve”, deklaroi për MIA-n, zëdhënësja e KE-së, Ana Pisonero. Komisioni kërkon nga autoritetet dhe të gjithë aktorët e përfshirë “në kohë dhe në mënyrë inkluzive dhe efektive të përballen me rekomandimet e mbetura të OSBE/ODIH-së”.
Në pyetjen nëse BE-ja ndjen çfarëdo përgjegjësie për rezultatet zgjedhore dhe dorëheqjen e kryeministrit për shkak të eurointegrimeve të bllokuara, KE-ja të japë përgjigje.
