Lideri verikorean, Kim Jong Un, i ka bërë thirrje shtetit të tij që të zgjerojë prodhimin e “materialeve bërthamore të shkallës së armëve” për të krijuar bomba, ka raportuar media shtetërore të martën.
Kim ka marrë në pyetje zyrtarët nga Instituti shtetëror për armë bërthamore dhe ka thënë se Koreja Veriore duhet të përgatitet për të përdorur armët “në çdo vend dhe në çdo kohë”.
Në disa fotografi të publikuara nga gazeta zyrtare, Rodong Sinmun, Kim është parë i rrethuar nga zyrtarët në uniformë, të cilët kanë inspektuar ato që supozohen të jenë koka bërthamore taktike, të identifikuara si “Hwasan-31” – që nënkupton vullkan në gjuhën koreane.
Këto koka mund të vendosen në disa lloje të raketave.
Vitin e kaluar, Koreja Veriore e ka shpallur veten fuqi bërthamore “të pakthyeshme” dhe Kim ka thënë së fundi se ka kërkuar rritje të prodhimit të armëve bërthamore, përfshirë raketave. /REL