Ish-kreu i Lidhjes Demokratike të Kosovës, Isa Mustafa ka reaguar për kërcënimin që u bë me dije se ka marrë kryeministri Albin Kurti, teksa Forcat Speciale rrethuan shtëpinë e tij.
Në një postim në rrjetet sociale, Mustafa shkruan se i erdhi keq, ndërsa shton se i kujtoi gjithashtu kohën njerëzit e Albin Kurtit sulmuan shtëpinë e tij me molotov në shkurt të 2016-ës.
Reagimi i plotë:
Miq të nderuar,
Mbrëmë u njoftuam se Njësia Speciale e Policisë së Kosovës e ka rrethuar shtëpinë e Kryeministrit Kurti, pas një kërcënimi që i ishte bërë.
Më erdhi keq!
Më vonë u tha se ishte një kërcënim nga adresa Shit e Blej!
Kjo ma kujtoi kohën kur, jo adresa shit e blej, por njerëzit e Albin Kurtit, Kryeministrit të tanishëm, në terrin e datës 26 shkurt 2016 sulmuan shtëpinë time, që isha Kryeministër i Kosovës, me bomba molotov.
Kur arrita në shtëpi e pyeta shoqen time se si u ndjeve, a pate frikë, a të mbrojti policia. Ajo ma ktheu: po çfarë!! Policët mezi e shpëtuan kryet e tyre, sepse e kapi flaka dhe tymi korridorin ku ata ishin të vendosur.
Nuk kishte njësi speciale as mbrojtje speciale.
Fati gruaja mbeti gjallë dhe policët që kujdeseshin për shtëpinë time nuk ishin lënduar.
Kujtime të rënda!
