Ish ministri i arsimit Jeton Shaqiri përmes një postimi ka shkruar se Struga është një mozaik i gjallë i shqiptarë, maqedonas, turq, romë, boshnjakë, vlleh – gjuhë të ndryshme, kultura të ndryshme, por një qytet. Një frymë. Ai theskon se Bashkimi është rruga ndërsa kandidati është shenja. Kur bashkohemi, nuk fitojmë vetëm një kandidat – fitojmë Strugën që beson te vetja, shkruan Top24
Bashkimi është rruga – kandidati është shenja.
Struga është një mozaik i gjallë:
shqiptarë, maqedonas, turq, romë, boshnjakë, vlleh – gjuhë të ndryshme, kultura të ndryshme, por një qytet. Një frymë.
Kandidati i Frontit Europian nuk vjen për të përjashtuar – por për të përfshirë.
Nuk vjen për të sunduar – por për të shërbyer.
Ai përfaqëson bindjen se Struga ecën përpara vetëm kur ecim bashkë – me barazi, ndershmëri dhe bashkëjetesë të sinqertë.
Jo për një lagje. Jo për një emër. Por për gjithë qytetin.
Jo për një rrogë. Por për bashkimin, përfaqësimin dhe vlerat që na bëjnë bashkë.Një vit qeverisje qëndrore na tregoi shumë:
Shqiptarët u lanë anash. Zërat u nënçmuan.
Institucionet u përdorën për hakmarrje – jo për shërbim.
Por ne nuk kthejmë përgjigje me inat –
ne kthejmë përgjigje me bashkim.
Kur forcat më të fuqishme shqiptare në Strugë bëhen një, kjo nuk është thjesht një marrëveshje politike – është vetëdije popullore.
Bashkimi nuk është luks – është domosdoshmëri.
Sepse nuk jemi këtu të ndajmë pushtetin –por të ndajmë përgjegjësinë.
Të ndërtojmë të ardhmen.
Kur bashkohemi, nuk fitojmë vetëm një kandidat – fitojmë Strugën që beson te vetja.
