Reagimet pas ndeshjes mes Argjentinës dhe Anglisë ishin impresionuese, ndoshta më të forta sesa gjysmëfinalja e parë. Përballja mes këtyre dy kombëtareve shpesh konsiderohet më shumë sesa një ndeshje futbolli. Me udhëheqës si Lionel Messi, Argjentina është mësuar të befasojë, të mbajë spektatorët në ankth dhe në fund të dalë fitimtare.
Në Argjentinë, mediat ishin entuziaste pas fitores. Gazeta sportive “Ole” deklaroi: “Argjentina finaliste! Një mrekulli e vërtetë pas fitores ndaj Anglisë, tani drejt finales me Spanjën!”. “Klarin” nga Buenos Aires shkruante: “Një performancë për histori, fituam kundër Anglisë! Të dielën ballafaqohemi me Spanjën!”. “Diario Popular” theksonte heroizmin argjentinas që synon titullin e katërt botëror. Po ashtu, “La Nasion” dhe “Kronika” lavdëruan ekipin për përmbysjen ndaj Anglisë dhe arritjen në finale.
Në Angli, mediat e përjetuan me zhgënjim eliminimin. “Daily Telegraph” theksoi ende përpjekjen e Anglisë, ndërsa “Indipendent” përmendi humbjen e vonë ndaj Argjentinës. Gazeta “Times” kritikoi strategjinë pas epërsisë fillestare. “San” dhe “Daily Express” përshkruan zhgënjimin si një vazhdim i zhgënjimeve të kaluara.
Ndërkohë në Spanjë, mediat ishin plot pritshmëri për finalen. “Marca” e përshkruante si ndeshja më e bukur e mundshme mes kampiones së Europës dhe asaj botërore. “AS” vuri në pah shansin tjetër të Argjentinës për të përballur Spanjën në Nju Jork. Në Katalonjë, “El Mundo Deportivo” dhe “Sport” shkruan me entuziazëm për përballjen e ardhshme, veçanërisht për rolin udhëheqës të Messit.
Në SHBA, “New York Post” komentoi për impaktin e Lautaros në ndeshje, ndërsa në Itali, “La Gazzetta dello Sport” dhe “L’Equipe” e Parisit bënë jehonë për kthimin dramatik të Argjentinës dhe prespektivën për të ruajtur titullin botëror kundër Spanjës.
