Zëvendëskryeministri Izet Mexhiti përmes një postimi ka reaguar ministrit të Administratës Goran Minçev i cili më herët e demantoi Mexhitin duke i thënë që të mos sillet si “Liza në Botën e çudirave”. Në reagimin e tij Mexhiti kërkon Minçevit të mos sillet si kopje e Aspasievit, shkruan Top24
Minçev të mos sillet si një kopje e Apasievit, sepse nuk i ngjajnë aspak njëri-tjetrit.
Goran Minçev duhet ta braktisë retorikën e Dimitar Apasievit dhe të sillet si ministër i të gjithë qytetarëve në vendin tonë të përbashkët.
Qeveria e Republikës së Maqedonisë së Veriut do të bëjë transformimin e marrëdhënies së punës nga kontratë në vepër në punësim të përhershëm për rreth 1500 të punësuar në shëndetësi, nga të cilët 750 janë shqiptarë. Për këtë jemi krenarë.
Përfaqësimi adekuat i shqiptarëve në institucionet shtetërore është kategori kushtetuese, e pandryshueshme, e pakthyeshme, që respektohet dhe do të respektohet, i pëlqen kjo Minçevit ose jo!
