“Në Prokurorinë Themelore Publike Shkup është dorëzuar kallëzim penal anonim, i cili i është caktuar prokurorit publik dhe është duke u vepruar”, thuhet në përgjigjen nga Prokuroria.
Kallëzimi i referohet certifikatës së kreut të ASK-së, Bojan Hristovskit për certifikatën TOEFL nga shkolla bullgare Julia, certifikatat e së cilës janë deklaruar të falsifikuara.
“Skandali me emërimin e paligjshëm të drejtorit të ANB-së po zgjerohet. Nga dokumentet e dorëzuara tek ne nga sinjalizuesit rezulton se Bojan Hristovski nuk ka gjithsej 5 vite përvojë në pozitë udhëheqëse, që është kusht ligjor që ai të jetë drejtor i ASK-së”, reagon nga LSDM.
Hetimi paraprak i hapur nga Prokuroria është i pari për Hristovskin dhe emërimin e tij për shkak të dyshimeve se nuk i plotëson më shumë kushte për mbajtjen e pozitës më të lartë të sigurisë në vend.
Prokuroria para pak kohësh njoftoi se do të presë vendimin e Komisionit Kundër Korrupsionit.
AntiKorrupsioni tha se të gjithë mund të kryejnë hetimet dhe detyrat e tyre sipas kompetencave të tyre ligjore.
Në seancën e 16 tetorit, qeveria shkarkoi ish-drejtorin e Agjencisë për Siguri Kombëtare (ASK) Zarko Milloshevski dhe në vend të tij emëroi Bojan Hristovskin.
Hristovski vjen në pozitën e drejtorit nga Ministria e Punëve të Brendshme.
Si staf i VMRO-DPMNE-së, pas zgjedhjeve lokale në tetor të vitit 2021, për një periudhë të shkurtër ishte drejtor i ndërmarrjes publike të Shkupit “City Parking”, por ai u largua nga pozita në shtator të vitit 2022 pas keqkuptimeve dhe mosmarrëveshjeve publike ndaj partisë dhe kryetares së Shkupit, Danella Arsovska.
