Lazar Samardzic është një prej emrave më të lakuar në këtë merkato dimri, me lojtarin e Udineses që ka tërhequr vëmendjen e disa skuadrave jo vetëm në Serie A, por edhe jashtë saj.
Napoli prej ditësh po negocion me lojtarin dhe Udinese-n, teksa mediet italiane kanë raportuar se palët kanë arritur akordin paraprak.
Megjithatë, në orët e fundit ka pasur zhvillime interesante, me Brighton që është futur në garë për shërbimet e 21-vjeçarit, pasi mesfushori është një element i pëlqyer nga trajneri Roberto De Zerbi.
Ky i fundit ka diskutuar me klubin dhe u ka bërë me dije drejtuesve anglez se dëshiron ta ketë në skuadër lojtarin, por tashmë mbetet për t’u parë nëse do të jetë në gjendje ta bindë ishin e Leipzig.
Samardzic u transferua te Udinese në verën e vitit 2021, ndërsa deri më tani, në gjysmën e parë të sezonit ka luajtur 17 ndeshje dhe ka shënuar dy gola dhe ka dhuruar dy asist me Udinese-n.
