Ministria e Punëve të Brendshme po heton jo vetëm disa, por të gjitha rastet. Për disa nga rastet janë siguruar prova dhe janë zbatuar, theksoi ministri i Punëve të Brendshme Oliver Spasovski në lidhje me raportimet për bomba në shkolla në disa qytete, qendra tregtare, Aeroportin Ndërkombëtar në Shkup dhe objekte të tjera.
“Kemi dëshmi për raportet në Shkup, në Kavadar, për raportet në Dellçevë. Jemi duke punuar dhe jemi ende në rrugë të mbarë që një tjetër ngjarje të zbulohet në Shkup. Të gjitha shërbimet që janë në këtë pjesë të luftës kundër terrorizmit, krimit kibernetik, mjekësisë ligjore dixhitale, së bashku me shërbimet e sigurisë me shërbimet tona partnere i dedikohen ekskluzivisht kësaj pjese për të punuar në një shtab të posaçëm krizash që është në këtë segment, i formuar në kuadër të Ministria së Punëve të Brendshme. Ju e dini se në Qeveri është krijuar një shtab special operativ dhe aty po merren masa të caktuara. Mirëpo atje me siguri për gjendjen do të japin informata nga Qeveria”, tha Spasovski gjatë vizitës në Njësinë mobile për siguri në komunikacionin rrugor në Petrovec.
