Kryetari i degës së BDI-së në Tetovë, Bajram Rexhepi përmes një postimi në profilin e tij ka publikuar disa të dhëna statistikore duke shënuar se qeveria po i vjedhë mërgimtarët të cilët me remitencat e tyre mbajnë gjallë ekonominë e këtij shteti gjatë gjithë vitit, shkruan Top24
Rexhepi shton në reagimin e tij se ” Si “peshqesh” për mërgimtarët që janë kthyer në vendlindje, çmimet e derivateve janë rritur mbi 20%, ndonëse çmimi i naftës në bursat botërore është në rënie. Kjo paraqet zhvatje klasike për të mbushur arkën e zbrazur të shtetit në kurriz të diasporës dhe qytetarëve!”
Postimi i plotë i Bajram Rexhepit:
Qeveria po i zhvat pikërisht ata që, me remitancat e tyre, e mbajnë gjallë ekonominë e këtij shteti gjatë gjithë vitit.
Si “peshqesh” për mërgimtarët që janë kthyer në vendlindje, çmimet e derivateve janë rritur mbi 20%, ndonëse çmimi i naftës në bursat botërore është në rënie.Kjo paraqet zhvatje klasike për të mbushur arkën e zbrazur të shtetit në kurriz të diasporës dhe qytetarëve!
Dhe dëmi që po ju bëhet qytarëve është i shumëfishtë, sepse rritja e çmimit të naftës shtrenjton ushqimet, transportin dhe çdo produkt të konsumit të përditshëm.Një qeveri që e zhvat popullin nuk mund të punojë për të ardhmen e tij.
Kur lakmia sundon arsyen, pushteti heq maskën dhe qytetarin nuk e sheh më si njeri për ta mbrojtur, por si “aset” që duhet shfrytëzuar.
