Presidenti amerikan në largim Xho Bajden i cilësoi planet ekonomike të trashëgimtarit të tij Donald Tramp si “katastrofë” në një fjalim në të cilin foli për sukseset e administratës së tij.
Sipas Bajdenit, planet e presidentit të porsazgjedhur Donald Tramp që të vendosë dogana të mëdha dhe t’i ulë tatimet, janë hap i cili do ta dobësojë ekonominë amerikane.
“I lutem Zotit që presidenti i porsazgjedhur ta hedhë poshtë Projektin 2025. Mendoj se kjo do të jetë katastrofë ekonomike për ne dhe për rajonin”, tha Bajdeni në Institutin Brukings në Uashington. Bajdeni paralajmëroi se planet e Trampit në masë të madhe do t’i shërbejnë të pasurve dhe do ta ndryshojnë “progresin” e arritur në katër vitet e kaluara drejt fuqizimit të klasës punëtore.
“Trampi duket i vendosur që të vendosë tarifa të larta, universale për të gjitha mallrat e rëndësishëm të vendosur në këtë vend për shkak të besimit të gabuar se vendet e huaja do t’i bartin shpenzimet për ato tarifa, ndërsa jo konsumatori amerikan”, tha Bajdeni.
Bajdeni e akuzoi Trampin për menaxhim të keq gjatë kohës së pandemisë dhe thellimin e recesionit dhe paralajmëroi se plani i Trampit që ta rinovojë serinë e lehtësimeve tatimore, të cilat skadojnë së shpejti, do ta rrisë deficitin ose do të rezultojë me uljen e mirëqenies.
Ai foli edhe për kritikat e disa demokratëve për politikën ekonomike të cilën e ka vendosur gjatë katër viteve të kaluara, për të cilat disa thonë se ka sjellë humbjen e nënpresidentes Kamalla Haris në zgjedhje, duke treguar se gjatë mandatit të tij vendi hyri në “fazë të re të rimëkëmbjes ekonomike” me investime në industri dhe konsum.
Bajdeni i akuzoi pandeminë dhe pushtimin rus në Ukrainë për rritjen e inflacionit dhe e pranoi se amerikanët ende përballen me çmime të larta, por theksoi se SHBA-ja e tejkaloi rimëkëmbjen e pandemisë në tërësi më mirë se sa çdo vend tjetër i zhvilluar.
