Akuzohet për blerje klikimesh, Dafina Zeqiri i reagon ndjekësit: Artistët që s’jua merr mendja i blejnë, unë s’kam nevojë

Ka tash e sa kohë që në media dhe rrjetet sociale diskutohet për shifrat e mëdha të klikimeve nga artistët e estradës.

Këto dyshime vijnë nga fakti se këngëtarët shqiptarë brenda ditëve arrijnë të shënojnë shifra rekorde klikimesh në YouTube – të atilla që as yjet ndërkombëtarë nuk i arrijnë.

Kjo ka qenë edhe tema e debatit së fundmi mes këngëtares Dafina Zeqiri dhe një fansi të saj.

Foto: Dafina Zeqiri/Instagram

Zeqiri ka publikuar në Twitter, një koment që kishte marrë nga një ndjekës ku shkruante: “Boll bleve klikime dhe komente moj. Turp t’ju vijë fundërrina”.

E mbi këtë koment, interpretuesja e hitit “Dashni” kishte replikuar duke shkruar: “Për ekip timin komplet? Të garantoj unë ty loqakaman që s’beljmë as pëlqime, as ndjekës as klikime. S’kemi nevojë, këngë të mira po nxjerrim, klubet e natës po i mbushim komplet/ S’kemi nevojë as poste ‘sold out (janë shitur biletat)’/ ‘bomba’ me publiku se na e dinë vlerë organizatorët dhe fansat”.

Foto: Dafina Zeqiri/Twitter

Këtë debat me fansin, teksa e ka publikuar në llogarinë e saj në Twitter, Dafina ka shkruar: “Artistët që mendja s’jua merr t’i blejnë gjatë natës 100 mijë klikime/për një orë deri në një milion klikime/për një orë, sa jeni duke parë ëndrra të mira. Ne i kemi organike këtu, e thash këtë”.