Adrola Dushi nderohet me mirënjohjen speciale “Stema e Artë” nga Bashkia e Mirëditës
Modelja e njohur shqiptare, Adrola Dushi, është krenuar gjithmonë me qytetin e saj të lindjes.
Ajo ka prejardhjen nga Rrësheni i Mirëditës – vend ky në të cilin ka kaluar shumë vite të jetës para zhvendosjes në Tiranë.
Duke qenë një figurë eminente që vjen nga ky qytet i vogël i Shqipërisë, Bashka e Mirëditës ka vendosur që ta nderojë me mirënjohjen bukuroshen e shpallur “miss”.
Foto: Adrola Dushi/Instagram
Kryetari i Bashkisë së Mirëditës, Ndrec Dedaj, e ka pritur në zyrën e tij Adrolën, me ç’rast edhe e ka dekoruar me “stemën e artë”, për kontributin e vyer në fushën e modelingut shqiptar duke i dhënë emër Shqipërisë në mbarë botën.
Ka qenë vet Adrola ajo e cila ka publikuar në rrjetin social Instagram disa fotografi nga takimi i zhvilluar me bashki, ku ka falënderuar kryetarin për këtë nderim.
Foto: Adrola Dushi/Instagram
Ky është shkrimi i saj i plotë (pa ndërhyrje):
“Nuk gjej fjale per te shprehur sa e perulur dhe e emocionuar ndihem. Eshte nje nder dhe privilegj i jashtezakonshem qe sot Mirdita ime me dhuron Stemen e Arte te Bashkise Mirdite! Gjej rastin te shpreh mirenjohjen time te thelle per Kryetarin e Bashkise Mirdite Z. Ndrec Dedaj qe sot me nderon duke me renditur si gruan e pare mirditore qe i jepet kjo steme e arte me simbolet mirditore si dhe Grate e Unionit Mirdita qe propozuan emrin tim per kete dekorim. Ky dekorim vjen si nje vleresim i papritur dhe shume i bukur per mua, por vjen dhe si nje pergjegjesi per vendlindjen time. Me apo pa kete dekorate, angazhimi im per promovimin dhe nderimin kudo te vendlindjes time do jete i pasosur. Faleminderit Mirdita ime. Zoti te bekofte. Te dua”, ka shkruar Adrola.
Foto: Adrola Dushi/Instagram
Foto: Adrola Dushi/Instagram
