Deputetja e Vetëvendosjes, Mimoza Kusari Lila, në seancën e Kuvendit të Kosovës teksa foli për Komisionin Hetimor për energjinë, i është drejtuar edhe deputetit të Partisë Demokratike, Abelard Tahiri, shkruan Reporteri.net.
Tahiri, më herët shau deputetët e pozitës me fjalët “Ah robt…”, e më vonë, pasi ia përmendi kryekuvendari Glauk Konjufca, se ai është dëgjuar pasi ka harruar mikrofonin të lëshuar, deputeti i PDK-së kërkoi falje.
Shefja e GP të VV-së, në fjalën e saj i tha “Z.Tahiri, ta dërgova videon me e konfirmu atë që e ke thënë”.
Deputeti Tahiri, më vonë ka kërkuar falje duke thënë se “ishte në afekt”, dhe “nuk ka sharë deputetët e pozitës”.
