Një inspektore e Agjencisë së Ushqimit dhe Veterinarisë të Maqedonisë së Veriut është arrestuar gjatë një aksioni policor në Shkup, nën dyshimin se ka keqpërdorur pozitën e saj zyrtare për përfitime personale.
Sipas informacioneve jozyrtare, gjatë kontrolleve inspektorja u kërkonte subjekteve dokumentacion që nuk ishte i nevojshëm, ndërsa lëshimin e një procesverbali pozitiv dyshohet se e kushtëzonte me pagesën e një shume parash.
Rasti është duke u hetuar, ndërsa priten informacione zyrtare nga institucionet kompetente.
