Ndryshimi nga ora verore në atë dimërore këtë vit do të bëhet natën mes të shtunës, 24 tetor, dhe të dielës, 25 tetor 2026.
Akrepat e orës do të kthehen një orë prapa. Ndryshimi do të bëhet në orën 03:00 të mëngjesit, kur ora do të kthehet në 02:00. Kjo do të bëjë që ajo natë të zgjasë një orë më shumë.
Telefonat inteligjentë, kompjuterët dhe shumica e pajisjeve të lidhura me internet pritet ta bëjnë automatikisht ndryshimin e orës. Ndërsa orët analoge dhe disa pajisje të tjera do të duhet të rregullohen manualisht.
Pas kalimit në orën dimërore, dielli do të lindë dhe do të perëndojë afërsisht një orë më herët sipas kohës së shënuar në orë. Kështu, mëngjeset do të jenë më të ndriçuara, ndërsa errësira do të nisë më herët gjatë pasdites.
Ndryshimi i orës mund të ndikojë përkohësisht edhe në ritmin e gjumit dhe rutinën e përditshme, derisa organizmi të përshtatet me orarin e ri.
