Zëvendësdrejtori i Departamentit të Tregtisë së Shërbimeve pranë Ministrisë së Tregtisë të Kinës, Zuo Xiaobo, deklaroi se ministria do të ndërmarrë hapa për të zgjeruar konsumin e shërbimeve dhe për të rritur ofertën e shërbimeve me cilësi të lartë.
Sipas tij, do të përmirësohet oferta në fusha si kultura e argëtimi, turizmi dhe koha e lirë, si edhe aktivitetet sportive, ndërsa do të promovohet zhvillimi i integruar i tregtisë, turizmit, kulturës dhe sportit, duke nxitur konsumin e mallrave përmes konsumit të shërbimeve me përvojë ndërvepruese.
Zuo Xiaobo tha gjithashtu se do të përshpejtohet krijimi i pikave të reja të rritjes së konsumit të shërbimeve. Për këtë qëllim, do të shpallen masa konkrete mbështetëse në fusha si shërbimet e transportit, shërbimet shtëpiake, shërbimet e shfaqjeve artistike dhe aktivitetet sportive.
Në të njëjtën kohë, do të hiqen kufizimet e paarsyeshme që pengojnë konsumin e shërbimeve dhe do të inkurajohen autoritetet vendore të eksplorojnë mënyra efektive për zhvillimin e këtij sektori.
Ministria e Tregtisë do të promovojë gjithashtu skenarë të rinj e të larmishëm të konsumit të shërbimeve, duke krijuar një sërë hapësirash të reja konsumi me ndikim të gjerë dhe dukshmëri të lartë. Kjo synon të gjallërojë edhe konsumin e mallrave dhe t’u ofrojë konsumatorëve përvoja më të larmishme, më tërheqëse dhe më të përshtatshme.
