Ushtria gjermane po heton një tentativë të dyshuar spiunazhi nga Moska pas gjashtë vizitave me dron mbi një bazë ajrore në qytetin verior të Schwesing, ku ushtarët ukrainas po trajnohen për sistemet e mbrojtjes raketore Patriot. Raporton Süddeutsche Zeitung.
Sipas gazetës, midis 9 dhe 29 janarit, dronët e paidentifikuar hynë vazhdimisht në hapësirën ajrore të kufizuar mbi objektin e Luftwaffe në Schwesing. Pavarësisht përdorimit të kundërmasave elektronike, duke përfshirë bllokuesin HP47, forcat e Bundeswehr-it nuk ishin në gjendje t’i rrëzonin ose të lokalizonin operatorët e tyre. Ushtria gjermane i klasifikoi incidentet si spiunazh të mundshëm dhe paralajmëroi shërbimet e inteligjencës, shkruan Süddeutsche. Bundeswehr konfirmoi shikimin e dronit mbi Schwesing, por nuk dha detaje të mëtejshme.
