Restoranet dhe kafeteritë do të punojnë deri ora 21.00. Lokalet do të kenë mundësi vetëm për shitje të ushqimit nëse klientët e marrin me vete – ka vendosur Qeveria në seancën e sotme.
Masat e reja për parandalimin e koronavirusit në Facebook I ka publikuar Kryeministri Zoran Zaev, I cili thotë se ky vendim vlen edhe për objektet hotelerike nëpër pompat e benzinës, kurse përjashtohen lokalet në Aeroportet e Shkupit dhe të Ohrit.
Me masat e reja ndalohet edhe grupimi pas orës 21.00 të më shumë se katër personave në ambiente të hapura.
“Qeveria ka miratuar rekomandimin për të gjithë qytetarët e huaj dhe të vendit në territorin e RMV-së, që pas orës 21.00 të mos lëvizin në hapësira publike nëse nuk kanë nevoja të rëndësishme dhe të domosdoshme” – ka shkruar në FB, Kryeministri Zoran Zaev.
Po në rrjetin social Facebook, Kryeministri Zoran Zaev ka njoftuar se Qeveria ka pranuar iniciativën që dita e Diel të shpallet se ditë jopune. “ E kemi ngarkuar Ministrinë për Punë dhe Politikë Socile që në afat prej 15 ditëve të dorëzojë zgjidhje ligjore për këtë cështje.
Kjo zgjidhje është në interes të qytetarëve, që e diela duhet të jetë ditë pushimi, ditë për kohë më cilësore për cdo qytetar, ditë për familjen, dityë për vetveten” – ka shkruar Kryeministri Zoran Zaev.
