Komisioni Shtetëror i Zgjedhjeve duhet t’u mundësojë qytetarëve të Republikës së Maqedonisë realizimin e të drejtës kushtetuese të votës. Sipas nenit 22 të Kushtetutës së Republikës së Maqedonisë, kushtet e vetme për t’u zgjedhur dhe për të votuar është të jesh shtetas i Republikës së Maqedonisë dhe të jesh i moshës madhore. Të gjitha dokumentet (letërnjoftime, pasaporta) shërbejnë vetëm për identifikimin e personit, ndërsa e drejta e votës është e përcaktuar në nenin 22 të Kushtetutës së Republikës së Maqedonisë, thotë ish-kryetari i Kuvendit Trajko Veljanoski.
Kështu, sipas tij, kartat e identitetit dhe pasaportat (kundër ndryshimeve të ligjeve) ku afati i vlefshmërisë përcaktohet më gjatë se dita e votimit, janë dokumente të vlefshme për identifikimin e personit që dëshiron të ushtrojë të drejtën e votës.
Si shembull, Veljanoski thekson se në vitin 1998, Komisioni Shtetëror i Zgjedhjeve i atëhershëm miratoi rregullat dhe udhëzimet e votimit që kartat e vjetra të identitetit dhe pasaportat e ish-RSF-së Jugosllavisë, ku periudha e vlefshmërisë është më e gjatë se dita e votimit, janë dokumente të vlefshme për identifikimin e personit që dëshiron të votojë për të ushtruar të drejtën e votës të dhënë me Kushtetutë.
